18

കൊച്ചി: കേരള ബ്ലാസ്റ്റേഴ്‌സ് കൊച്ചി വിടാന്‍ സാധ്യത. കടുത്ത സാമ്പത്തിക പ്രതിസന്ധിയില്‍ നില്‍ക്കെ വന്‍ തുക വാടകയായി നല്‍കി കലൂര്‍ ജെഎല്‍എന്‍ സ്റ്റേഡിയത്തില്‍ കളിക്കണോ എന്ന ചിന്തയിലാണ് ബ്ലാസ്റ്റേഴ്‌സ് മാനേജ്‌മെന്‍റ്. കേരള ബ്ലാസ്റ്റേഴ്‌സ് കൊച്ചി വിടുന്ന കാര്യത്തെക്കുറിച്ച് ആലോചനകള്‍ നടക്കുന്നുണ്ടെന്നു ടീമുമായി ബന്ധപ്പെട്ട വൃത്തങ്ങള്‍ ദീപിക ഓണ്‍ലൈനോടു പ്രതികരിച്ചു.

ആലോചനയിൽ

ബ്ലാസ്റ്റേഴ്‌സ് കൊച്ചി വിടുന്ന കാര്യത്തെക്കുറിച്ച് ആലോചിക്കുന്നുണ്ട്. എന്നാല്‍, അതില്‍ സ്ഥീരികരണമൊന്നും ആയിട്ടില്ല. കോഴിക്കോട്, മലപ്പുറം എന്നിവിടങ്ങളിലാണ് ഹോം ഗ്രൗണ്ട് ആയി നോക്കുന്നത്. ഇക്കാര്യവും ഉറപ്പായിട്ടില്ല - ടീമുമായി ബന്ധപ്പെട്ട വൃത്തങ്ങള്‍ പറഞ്ഞു. ഫെബ്രുവരി 14ന് ആണ് ഐഎസ്എല്‍ മത്സരങ്ങള്‍ ആരംഭിക്കുന്നത്. അഖിലേന്ത്യാ ഫുട്‌ബോള്‍ ഫെഡറേഷന് ഹോം ഗ്രൗണ്ട് തെരഞ്ഞെടുക്കാനായി ബ്ലാസ്‌റ്റേഴ്‌സ് നല്‍കിയ ലിസ്റ്റിലാണ് മൂന്നു വേദികള്‍ ഉള്‍പ്പെടുത്തിയിരിക്കുന്നത്. അതുകൊണ്ടു കലൂര്‍ ഹോം ഗ്രൗണ്ട് ആകാന്‍ സാധ്യത കുറവാണ്. അതിനാല്‍ ഈ സീസണില്‍ ബ്ലാസ്റ്റേഴ്‌സ് കൊച്ചിയില്‍ കളിക്കാനും സാധ്യതയില്ല. അതേസമയം, കഴിഞ്ഞ സീസണുകളില്‍ എല്ലാം കേരള ബ്ലാസ്റ്റേഴ്‌സ് വളരെ മോശം പ്രകടനമാണ് കാഴ്ചവച്ചിരുന്നത്. ആദ്യ മത്സരങ്ങളില്‍ ജയിച്ചു മുന്നേറുന്ന ടീമിനു പിന്നീടു സ്ഥിരത നഷ്ടപ്പെടുന്ന കാഴ്ച പോയ വര്‍ഷങ്ങളില്‍ കണ്ടു. ഇത് ആരാധകരുടെ സ്റ്റേഡിയത്തിലേക്കുള്ള ഒഴുക്കിനെയും ടിക്കറ്റ് വരുമാനത്തെയും ബാധിക്കാറുണ്ട്.

കളിയില്ല, വിദേശ താരങ്ങൾ കളംവിട്ടു

മാത്രമല്ല, വിദേശ താരങ്ങളില്‍ പലരും ടീം വിട്ടുകഴിഞ്ഞു. കേരള ബ്ലാസ്റ്റേഴ്‌സിന്‍റെ ക്യാപ്റ്റനും മിഡ് ഫീല്‍ഡറും ഏറ്റവും മികച്ച താരവുമായിരുന്ന അഡ്രിയാന്‍ ലൂണ, മറ്റൊരു വിദേശ താരമായ നോവ സദോയ് എന്നിവര്‍ ലോണില്‍ മറ്റൊരു ക്ലബ്ബില്‍ ചേര്‍ന്നു. ഈ സീസണില്‍ ഇവര്‍ ബ്ലാസ്‌റ്റേഴ്‌സിനൊപ്പം ഉണ്ടാവില്ല. അതിനാല്‍ ഒരു വര്‍ഷം കഴിയുമ്പോള്‍ മാത്രമേ ലൂണയ്ക്ക് ബ്ലാസ്‌റ്റേഴ്‌സിലേക്കു മടങ്ങാനാവുകയുള്ളു. ഒരു വര്‍ഷത്തെ കരാറില്‍ കഴിഞ്ഞ ഒക്ടോബറില്‍ ബ്ലാസ്റ്റേഴ്‌സിലെത്തിയ സ്പാനിഷ് താരം ജുവാന്‍ റോഡ്രിഗസും ക്ലബ്ബ് വിട്ടു.

കഴിഞ്ഞ ഒക്ടോബറില്‍ ബ്ലാസ്റ്റേഴ്‌സിനൊപ്പം ചേര്‍ന്ന തിയാഗോ ആല്‍വസ് മത്സരങ്ങള്‍ നടക്കാത്തതിനാല്‍ ഡിസംബറില്‍തന്നെ ക്ലബ്ബ് വിട്ടു. ഇന്ത്യന്‍ ഫുട്‌ബോളിലെ അനിശ്ചിതാവസ്ഥ തന്നെയാണ് തിയാഗോയും ക്ലബ്ബ് വിടാന്‍ കാരണമായത്. അതിനാൽ ഈ സീസണിലെ ടീം എങ്ങനെയാകും എന്ന കാര്യത്തില്‍ ആരാധകര്‍ക്കും പിടിത്തമില്ല.

മലബാർ ആരാധകരിൽ പ്രതീക്ഷ

കളി കാണാൻ ആരാധകരുടെ ഒഴുക്കുണ്ടാകുമോയെന്നതിൽ ആർക്കും ഉറപ്പില്ല. അതിനാല്‍ സാമ്പത്തികമായി കലൂര്‍ സ്റ്റേഡിയത്തെ ആശ്രയിക്കാന്‍ ബ്ലാസ്റ്റേഴ്‌സിന് ആവില്ല. എന്നാല്‍, കോഴിക്കോടും മലപ്പുറത്തും ഏറെ ഫുട്‌ബോള്‍ ആരാധകര്‍ ഉള്ളതിനാല്‍, ഈ ജില്ലകളില്‍ ടൂര്‍ണമെന്‍റ് നടക്കുകയാണെങ്കില്‍ ആളു കൂടും എന്നാണ് ബ്ലാസ്റ്റേഴ്‌സിന്‍റെ നിഗമനം. ഈ ജില്ലകളില്‍നിന്നുള്ള ആരാധകര്‍ ടീമിന്‍റെ മോശം സമയത്തും നല്ല സമയത്തും ഒരുപോലെ പിന്തുണ നല്‍കിയിട്ടുണ്ട്. കളികള്‍ കാണാന്‍ ആവേശത്തോടെ ആരാധകര്‍ എത്തുന്നത് കളിക്കാരിലും ആവേശം പകരും.

കൊ​ച്ചി: സൂ​പ്പ​ർ താ​രം അ​ഡ്രി​യാ​ൻ ലൂ​ണ ബ്ലാ​സ്റ്റേ​ഴ്‌​സ് വി​ട്ടു. വാ​യ്പാ​ടി​സ്ഥാ​ന​ത്തി​ല്‍ താ​ര​ത്തെ കൈ​മാ​റി​യ​താ​യി ബ്ലാ​സ്റ്റേ​ഴ്‌​സ് സ്ഥി​രീ​ക​രി​ച്ചു. ഒ​രു വ​ര്‍​ഷ​ത്തേ​ക്കാ​ണ് ക​രാ​ര്‍.

ഏ​ത് ടീ​മി​ലേ​ക്കാ​ണ് ലൂ​ണ മാ​റി​യ​തെ​ന്ന് ബ്ലാ​സ്റ്റേ​ഴ്‌​സ് വ്യ​ക്ത​മാ​ക്കി​യി​ട്ടി​ല്ല. ഇ​ന്തോ​നേ​ഷ്യ​ന്‍ ക്ല​ബി​ല്‍ താ​രം ചേ​രു​മെ​ന്നാ​ണ് സൂ​ച​ന. ഉ​റു​ഗ്വേ താ​ര​മാ​യ ലൂ​ണ​യ്ക്ക് 2027 വ​രെ ബ്ലാ​സ്റ്റേ​ഴ്‌​സു​മാ​യി ക​രാ​റു​ണ്ട്. മ​ഞ്ഞ​പ്പ​ട​യു​ടെ ഏ​റ്റ​വും പ്ര​ധാ​ന​പ്പെ​ട്ട താ​ര​മാ​ണ് 33 കാ​ര​നാ​യ അ​ഡ്രി​യാ​ൻ ലൂ​ണ.

87 മ​ത്സ​ര​ങ്ങ​ൾ ബ്ലാ​സ്റ്റേ​ഴ്‌​സി​നാ​യി ക​ളി​ച്ച ലൂ​ണ 15 ഗോ​ളു​ക​ളും നേ​ടി​യി​ട്ടു​ണ്ട്. ലൂ​ണ​യു​ടെ കൂ​ടു​മാ​റ്റ​ത്തി​ല്‍ അ​ഖി​ലേ​ന്ത്യാ ഫു​ട്‌​ബോ​ള്‍ ഫെ​ഡ​റേ​ഷ​നെ വി​മ​ര്‍​ശി​ച്ച് ആ​രാ​ധ​ക​ര്‍ രം​ഗ​ത്തെ​ത്തി.

മും​​ബൈ: കേ​​ര​​ള ബ്ലാ​​സ്റ്റേ​​ഴ്സി​​ൽ മ​​റ്റൊ​​രു നാ​​ഴി​​ക​​ക്ക​​ല്ല് പി​​ന്നി​​ട്ട് ഉ​​റു​​ഗ്വേ​​ൻ താ​​രം അ​​ഡ്രി​​യ​​ൻ ലൂ​​ണ. ബ്ലാ​​സ്റ്റേ​​ഴ്സി​​ന് വേ​​ണ്ടി ഏ​​റ്റ​​വും കൂ​​ടു​​ത​​ൽ മ​​ത്സ​​ര​​ങ്ങ​​ൾ ക​​ളി​​ക്കു​​ന്ന മൂ​​ന്നാ​​മ​​ത്തെ താ​​ര​​മാ​​ണി​​പ്പോ​​ൾ ലൂ​​ണ. സൂ​​പ്പ​​ർ ക​​പ്പി​​ൽ മും​​ബൈ​​യ്ക്കെ​​തി​​രേ ലൂ​​ണ​​യു​​ടെ എ​​ണ്‍​പ​​ത്തി​​യേ​​ഴാം മ​​ത്സ​​ര​​മാ​​യി​​രു​​ന്നു.

97 മ​​ത്സ​​ര​​ങ്ങ​​ളി​​ൽ ക​​ളി​​ച്ച സ​​ഹ​​ൽ അ​​ബ്ദു​​ൽ സമ​​ദാ​​ണ് ബ്ലാ​​സ്റ്റേ​​ഴ്സ് ജ​​ഴ്സി​​യി​​ൽ ഏ​​റ്റ​​വും കൂ​​ടു​​ത​​ൽ ക​​ള​​ത്തി​​ലി​​റ​​ങ്ങി​​യ താ​​രം. 89 മ​​ത്സ​​ര​​ങ്ങ​​ളി​​ൽ ക​​ളി​​ച്ച കെ.​​പി. രാ​​ഹു​​ലാ​​ണ് ര​​ണ്ടാം സ്ഥാ​​ന​​ത്ത്. 86 മ​​ത്സ​​ര​​ങ്ങ​​ൾ ക​​ളി​​ച്ച ജീ​​ക്സ​​ണ്‍ സിം​​ഗും 81 മ​​ത്സ​​ര​​ങ്ങ​​ൾ ക​​ളി​​ച്ച സ​​ന്ദീ​​പ് സിം​​ഗു​​മാ​​ണ് ലൂ​​ണ​​യ്ക്ക് താ​​ഴെ​​യു​​ള്ള​​ത്.

അ​​തേ​​സ​​മ​​യം, ത​​ങ്ങ​​ളു​​ടെ ആ​​ദ്യ കി​​രീ​​ട​​ത്തി​​നാ​​യി കേ​​ര​​ള ബ്ലാ​​സ്റ്റേ​​ഴ്സ് ഇ​​നി​​യും കാ​​ത്തി​​രി​​ക്ക​​ണം. സൂ​​പ്പ​​ർ ക​​പ്പ് ഫു​​ട്ബോ​​ളി​​ൽ കേ​​ര​​ള ബ്ലാ​​സ്റ്റേ​​ഴ്സ് സെ​​മി​​ഫൈ​​ന​​ൽ കാ​​ണാ​​തെ പു​​റ​​ത്താ​​യി. ഗ്രൂ​​പ്പ് ഘ​​ട്ട​​ത്തി​​ലെ നി​​ർ​​ണാ​​യ​​ക മ​​ത്സ​​ര​​ത്തി​​ൽ ബ്ലാ​​സ്റ്റേ​​ഴ്സ് എ​​തി​​രി​​ല്ലാ​​ത്ത ഒ​​രു ഗോ​​ളി​​ന് മും​​ബൈ സി​​റ്റി​​യോ​​ട് തോ​​റ്റു. എ​​ണ്‍​പ​​ത്തി​​യെ​​ട്ടാം മി​​നി​​റ്റി​​ൽ വ​​ഴ​​ങ്ങി​​യ സെ​​ൽ​​ഫ് ഗോ​​ളാ​​ണ് ബ്ലാ​​സ്റ്റേ​​ഴ്സി​​ന് തി​​രി​​ച്ച​​ടി​​യാ​​യ​​ത്. ടൂ​​ർ​​ണ​​മെ​​ന്‍റി​​ൽ ബ്ലാ​​സ്റ്റേ​​ഴ്സ് വ​​ഴ​​ങ്ങി​​യ ഏ​​ക ഗോ​​ളാ​​ണി​​ത്.

തു​​ട​​ർ​​ച്ച​​യാ​​യ ര​​ണ്ട് മ​​ത്സ​​ര​​ങ്ങ​​ളി​​ലെ ത​​ക​​ർ​​പ്പ​​ൻ വി​​ജ​​യ​​ങ്ങ​​ളു​​ടെ ആ​​ത്മ​​വി​​ശ്വാ​​സ​​ത്തി​​ലാ​​യി​​രു​​ന്നു ബ്ലാ​​സ്റ്റേ​​ഴ്സ് ക​​ള​​ത്തി​​ലി​​റ​​ങ്ങു​​ന്ന​​ത്. ഈ ​​മ​​ത്സ​​ര​​ത്തി​​ൽ സ​​മ​​നി​​ല നേ​​ടി​​യാ​​ൽ പോ​​ലും ടീ​​മി​​ന് സെ​​മി​​ഫൈ​​ന​​ൽ ഉ​​റ​​പ്പി​​ക്കാ​​മാ​​യി​​രു​​ന്നു.

ഫ​റ്റോ​ർ​ഡ: കേ​ര​ള ബ്ലാ​സ്റ്റേ​ഴ്സി​ന്‍റെ സൂ​പ്പ​ർ ക​പ്പ് 2025 പോ​രാ​ട്ട​ങ്ങ​ൾ​ക്ക് ഇ​ന്ന് തു​ട​ക്കം. ഗ്രൂ​പ്പ് ഡി​യി​ലെ ആ​ദ്യ മ​ത്സ​ര​ത്തി​ൽ രാ​ജ​സ്ഥാ​ൻ യു​ണൈ​റ്റ​ഡ് എ​ഫ്സി​യാ​ണ് എ​തി​രാ​ളി​ക​ൾ. ബാം​ബോ​ളി​മി​ലെ ജി​എം​സി അ​ത്‌​ല​റ്റി​ക് സ്റ്റേ​ഡി​യ​ത്തി​ൽ വൈ​കു​ന്നേ​രം 4:30നാ​ണ് മ​ത്സ​രം.

ഇ​രു ടീ​മു​ക​ളും ആ​ദ്യ​മാ​യാ​ണ് നേ​ർ​ക്കു​നേ​ർ വ​രു​ന്ന​ത്. ടൂ​ർ​ണ​മെ​ന്‍റി​ൽ വി​ജ​യ​ക​ര​മാ​യ തു​ട​ക്ക​മാ​ണ് ഇ​രു ടീ​മു​ക​ളും ല​ക്ഷ്യ​മി​ടു​ന്ന​ത്. മു​ഖ്യ പ​രി​ശീ​ല​ക​ൻ ഡേ​വി​ഡ് കാ​റ്റ​ല​യു​ടെ നേ​തൃ​ത്വ​ത്തി​ൽ ജ​യ​ത്തോ​ടെ മൂ​ന്ന് പോ​യി​ന്‍റ് നേ​ടാ​നാ​ണ് ടീം ​ല​ക്ഷ്യ​മി​ടു​ന്ന​ത്.

’’ടീം ​സ​ജ്ജ​മാ​ണ്, ആ​ദ്യ മ​ത്സ​ര​ങ്ങ​ൾ എ​ളു​പ്പ​മാ​കി​ല്ല. രാ​ജ​സ്ഥാ​ൻ യു​ണൈ​റ്റ​ഡ് പ്ര​തി​രോ​ധ​ത്തി​ൽ കെ​ട്ടു​റ​പ്പു​ള്ള​വ​രാ​ണ്, അ​ത് ശ്ര​ദ്ധി​ക്ക​ണം. ഞ​ങ്ങ​ളു​ടെ പ്ര​ക​ട​നം നൂ​റ് ശ​ത​മാ​ന​മാ​യാ​ൽ വി​ജ​യം നേ​ടാ​ൻ ക​ഴി​യു​മെ​ന്നാ​ണ് പ്ര​തീ​ക്ഷ’’- മ​ത്സ​ര​ത്തി​ന് മു​ന്നോ​ടി​യാ​യി മാ​ധ്യ​മ​ങ്ങ​ളെ ക​ണ്ട പ​രി​ശീ​ല​ക​ൻ ഡേ​വി​ഡ് കാ​റ്റ​ല പ​റ​ഞ്ഞു. ഗ്രൂ​പ്പ് ഡി​യി​ൽ എ​സ്‌​സി ഡ​ൽ​ഹി, മും​ബൈ സി​റ്റി എ​ഫ്സി എ​ന്നി​വ​രാ​ണ് ബ്ലാ​സ്റ്റേ​ഴ്സി​ന്‍റെ മ​റ്റ് എ​തി​രാ​ളി​ക​ൾ.